شوية جنون و هواء طلق كل الي تحتاجه حتى تكسر ملل حياتك
شوية جنون و هواء طلق كل الي تحتاجه حتى تكسر ملل حياتك... كلنا نتذكر برامج طفولتنا على سبيستون الي جانت تاخذنا لعالم ثاني و مغامرات فلونه وماشا وصديقها الدب بالغابات والتخييم والفعاليات الي جانوا يسووها تجمع حول النار وشوي الاسماك الي يصطادوها من النهر والرقص ... الخ شكد جنا نتمنى نعيش هاي اللحظات وياهم او نسويها ويا أهلنا وأصدقائنا زين ليش منحقق امنيتنه اليوم ونعيش حياتنا بلحظات جنون ؟ تجربة التخييم من أكثر المغامرات الي يحتاج يعيشها الأنسان كل فترة راح تكسر ملل الحياة وتقدملنا فوائد منتخيلها شكد عظيمة راح اسولفلكم اليوم عن هاي الفوائد واشوفكم شكد راح تستمتعون بيها و تتحمسون حتى تعيشون هاي التجربة… بدايةً لكل شخص يعاني من امراض صحية و عقلية أكتئاب وقلق وغيرها من الأمراض النفسية وحتى الي عاشوا رحلة علاج طويلة من مرض الطبيعة والابتعاد عن ضغوطات الحياة أفضل بديل للعلاجات التقليدية لنسيان وتجاوز كل الي مروا بي. مجرد قضاء 20 دقيقة بس بالطبيعة راح ينخفض هرمون التوتر والأجهاد عند الانسان فمتخيلين كمية السكينة والراحة الي راح تحصلوها بعد كم يوم بالطبيعة ؟ ثانياً : لحظات الهدوء والسكينة ال